ខេត្តពោធិ៍សាត់ ៖
មុខសញ្ញាកាច់សោ.កម៉ូតូម្នាក់ដែលសមត្ថកិច្ចព័ទ្ធបន្ទប់ជួល
ហើយជននេះបើកដំបូលស័ង្កសីហក់ចេញក្រៅរបងរត់គេចខ្លួនបាត់អស់រយៈ
ពេលកន្លះខែមកនេះ ឥឡូវឃាត់ខ្លួនបានហើយ
ខណៈពេលជននេះលបលួចចូលមកសម្ងំលាក់ខ្លួនក្នុងផ្ទះ
ស្ថិតក្នុងភូមិពាលញែក២ សង្កាត់ផ្ទះព្រៃ ក្រុងពោធិ៍សាត់
នាព្រឹកថ្ងៃទី៣១ កក្កដា ២០១៣នេះ ។
លោកវរសេនីយ៍ត្រី ម៉ូ លីដា
នាយការិយាល័យនគរបាលព្រហ្មទណ្ឌកម្រិតស្រាលឱ្យដឹងថា
អនុវត្តដីការបស់តុលាការខេត្តពោធិ៍សាត់នៅព្រឹកថ្ងៃទី៣១នេះ
កម្លាំងនគរបាលព្រហ្មទណ្ឌកម្រិតស្រាលសហការជាមួយនគរបាលប៉ុស្តិ៍
រដ្ឋបាលផ្ទះព្រៃបានធ្វើការឃាត់ខ្លួនជនសង្ស័យឈ្មោះជូ ឆេកូ
នេះពីបទលួច។ ជននេះជាមុខសញ្ញាកាច់សោ.កម៉ុតូ
និងជក់គ្រឿងញៀន
ជាក់ស្តែងប្រហែលកន្លះខែមុននេះបានកាច់សោយកម៉ូតូហុងដាអស់
ចំនួន២គ្រឿងនៅស្រុកកណ្តៀង
និងក្រុងពោធិ៍សាត់ពេលសមត្ថកិច្ចទៅព័ទ្ធបន្ទប់ជួលម្តុំខាង
ក្រោយផ្ទះសំណាក់បៃតង ភូមិពាលញែក១
ជននេះបើកដំបូលរត់គេចខ្លួនបាត់ នៅតែប្រពន្ធប៉ុណ្ណោះ
ទើបតែពេលនេះលបចូលផ្ទះវិញ សមត្ថកិច្ចឃាត់ខ្លួនតាមដីកាតែម្តង
៕
ប្រភព ៖ កោះសន្ដិភាព
0 comments