អាជ្ញា​ធរ​ស្រុក​ ZHANGPU ខេត្ត​ FUJIAN រាយ​ការណ៍​ថា​ ភ្លើង​ឆាប​ឆេះ​យ៉ាង​ខ្លាំង​ ក្រោយ​ការ​ផ្ទុះ​មួយ​កាល​ពី​ព្រឹក​ថ្ងៃ​ទី​៣០​ កក្កដា​ ក្នុង​រោង​ចក្រ​គីមី​មួយ​នៃ​ខេត្ត​នោះ​ស្ថិត​នៅ​ភាគ​ខាង​កើត​ប្រទេស​ចិន​ ។​ អាជ្ញា​ធរ​ស្រុក​និយាយ​ថា​ ភ្លើង​បាន​ឆាប​ឆេះ​នា​វេលា​ម៉ោង​៤​ និង​៣៥​នាទី​ទៀប​ភ្លឺ​ ម៉ោង​ក្នុង​ស្រុក​ រួច​ត្រូវ​បាន​ពន្លត់​ទាន់​ពេល​ ។​ ពុំ​មាន​សេចក្តី​រាយ​ការណ៍​ពី​ជន​រង​គ្រោះ​ណា​ម្នាក់​ឡើយ។

        រោង​ចក្រ​គីមី​នេះ​កសាង​កាល​ពី​ឆ្នាំ​២០០៩​ នៅ​ឧបទ្វីប​ GULEI ក្រោយ​ការ​បដិសេធ​ដោយ​ទីក្រុង​ជាប់​មាត់​សមុទ្រ​ XIAMEN បន្ទាប់​ពី​ប្រជា​ជន​ធ្វើ​បាតុ​កម្ម​តវ៉ា​ប្រឆាំង​នឹង​គ្រោះ​ថ្នាក់​ដល់​សុខ ​ភាព​ និង​ការ​បំពុល​បរិស្ថាន​មក​ ។​ ការ​ផ្ទុះ​ឆេះ​នោះ​ពុំ​បណ្តាល​ឱ្យ​រោង​ចក្រ​ខូច​ខាត​ធ្ងន់​ធ្ងរ​ ឬ​ក៏​មាន​ការ​សាយ​ភាយ​សារធាតុ​គីមី​ចេញ​ដែរ​ ក៏​ប៉ុន្តែ​ផ្ទះ​ទាំង​ឡាយ​នៅ​ជិត​ខាង​មាន​បែក​កញ្ចក់​បង្អួច​ដោយ​កម្លាំង​ ផ្ទុះ​ ៕