You Are Here: Home» កីឡាអន្ដរជាតិ , ព័ត៌មានកីឡា » បិសាច​ក្រហម​មក​ដល់​ក្រុង​បាងកក​

​ជើងឯក​English Premier League ក្លឹប​បិសាច​ក្រហម​Manchester United​បាន​ទៅ​ដល់​ក្រុង​បាងកក​កាលពី​ព្រឹក​ថ្ងៃ​ព្រហស្បត៍​​និង​កំពូល​តារា​ដូចជា​Wayne Rooney, Ryan Giggs, Rio Ferdinand និង Wilfried Zaha​ត្រូវបាន​ស្វាគមន៍​យ៉ាង​កក់ក្តៅ​ពី​អ្នក​​គាំទ្រ​នៅ​អាកាសយានដ្ឋាន​ដន​មឿង​។​

កីឡាក​របស់​Manchester United​មក​ដល់​បាងកក​ក្រោម​ការស្វាគមន៍​ពី​អ្នកគាំទ្រ​

​អ្នកចាត់ការ​ថ្មី​របស់​Man Utd​លោក​David Moyes បាន​ដឹកនាំ​កីឡាករ​និង​បុគ្គលិក​មួយចំនួន​ទៅ​កាន់​មន្ទីរពេទ្យ​ស៊ិរិ​រ៉ាច​ដើម្បី​ចុះហត្ថលេខា​លើ​សៀវភៅ​ជូនពរ​ស្តេច​ថៃ នៅពេល​សមា​​ជិក​ក្រុម​ដទៃ​ទៀត​ទៅ​សម្រាក​នៅ​សណ្ឋាគារ​Four Seasons​។​

​កីឡាក​របស់​Manchester Unitedត្រូវបាន​ស្វាគមន៍​យ៉ាង​កក់ក្តៅ​ពី​អ្នក​​គាំទ្រ​នៅ​អាកាសយានដ្ឋាន​ដន​មឿង

​ក្នុង​អំឡុង​ពេល​ស្នាក់អាស្រ័យ​នៅ​ថៃ​៣​ថ្ងៃ​ ​ក្រុម​បិសាច​ក្រហម​នេះ​ត្រូវ​ធ្វើ​ការហាត់​បង្ហាញ​ជាច្រើន​ដោយ​នៅ​ថ្ងៃ​ព្រហស្បត៍​ត្រូវ​ចាប់ផ្តើម​នៅ​ទីលាន​Singha Football Park​ក្នុង​ខេត្ត​ណុន​ថា​ប៊ូ​រី​។​

Man Utd​ជា​ក្លឹប​មាន​ប្រជាប្រិយ​បំផុត​មួយ​ក្នុង​លោក​។​វា​បាន​ឈ្នះ​តំណែង​ជើងឯក​English Premiership​លើក​ទី​២០​។​ក្រុម​នេះ​​នឹង​លេង​ជា​លក្ខណៈ​មិត្តភាព​ទល់នឹង​ក្រុម​Singha All-Star​របស់​ថៃ​នៅ​ថ្ងៃ​សៅរ៍​នៅ​ម៉ោង​៨​យប់​។​

​កីឡាករ​របស់​Manchester United​ចំនួន​១៧​នាក់​ដែល​ត្រូវ​រំពឹងថា​នឹង​ចូល​ប្រកួត​នៅ​ថ្ងៃ​សៅរ៍ រួមមាន​Anders Lindegaard, Ben Amos, Rafael da Silva, Patrice Evra, Phil Jones, Rio Ferdinand, Jonny Evans, Michael Keane, Alexander Büttner, Michael Carrick, Jesse Lingard, Adnan Januzaj, Tom Cleverley, Ryan Giggs, Wilfried Zaha, Danny Welbeck និង​Wayne Rooney​។​

​ចំណែក​កីឡាករ​ខ្សែប្រយុទ្ធ​ហុ​ល្លង់​Robin van Persie​និង Shinji Kagawa​របស់​ជប៉ុន​នឹង​អវត្តមាន​ក្នុង​ការប្រកួត​នៅ​បាងកក​នេះ​។​

​នៅ​យប់​ថ្ងៃ​សៅរ៍ ពួកគេ​នឹង​បន្តដំណើរ​ទៅ​កាន់​ក្រុង​ស៊ីដនី មុន​បន្ត​ទៅ​ក្រុង​យ៉ូ​កូហា​ម៉ា ក្រុង​អូ​សា​កា​និង​ហុងកុង​៕

Tags: កីឡាអន្ដរជាតិ , ព័ត៌មានកីឡា