ក្រុង​បាងកកៈ ឆ្នេរ​ខ្សាច់អៅ​ប្រាវ ត្រូវ​បាន​បិទ ហើយ​ភ្ញៀវ​ទេសចរ​ បានផ្លាស់​ចេញ​ពី​ឆ្នេរ​ខ្សាច់​ដ៏មាន​ប្រ​ជាប្រិយ ​នៅ​លើ​ឧទ្យាន​ជាតិ​ខៅឡេមយ៉ាមូ ​កោះ​សាម៉េតនោះ បន្ទាប់​ពី​​ការ​លេច​ធ្លាយ​ប្រេង​ឆៅមួយ បាន​បក់​បោក​មក​ដល់​ឆ្នេរ​កាល​ពី​​រាត្រី​ថ្ងៃអាទិត្យ ដោយនាំ​យក​​ប្រេង​ខ្មៅស្អិតគ្រប​ដណ្តប់​លើ​តំបន់​នោះ​។

ប្រេង​ឆៅ​ប្រ​មាណជា​ង ៥ ម៉ឺន​លីត្រ បាន​ហូរ​ចាក់​ទៅ​ក្នុង​សមុទ្រ​ កាល​ពី​ថ្ងៃ​សៅរ៍ចម្ងាយ​ប្រ​មាណ ២០គ.ម. ក្បែរ​ឆ្នេរ​សមុទ្រ​នៃខេត្ត​រ៉ាក់​យ៉ង​ ភាគ​អាគ្នេយ៍ នៃ​រាជធានី​បាង​កក។

ក្នុង​សេច​ក្តីថ្លែង​ការណ៍​មួយ​ ក្រុម​ហ៊ុន​ប្រេង​ PTT Global ដែល​ប៉ាន់​ស្មានថា​នៅសល់​ប្រេង​ឆៅ​ប្រ​មាណ​ជាង ​៥ ពាន់​លីត្រ ​ឬ​លើស​ហ្នឹង​ទៀត​ត្រូវ​បោស​សម្អាត បាន​និ​យាយថា៖ «ការ​លេច​ធ្លាយ​ប្រេង​មួយ បាន​មក​ដល់​ឆ្នេរខ្សាច់​អៅប្រាវ​នៃ​កោះ​សាម៉េតហើយ»។

ក្រុម​ការងារ​ កាល​ពី​ថ្ងៃ​អង្គារ​នៅ​តែ​ព្យាយាម​ប្រ​មូល និង​សម្អាត ប្រេង​ឆៅនោះ​ពីឆ្នេរ​ខ្សាច់នោះនិង​ទឹកនៃ​ឆ្នេរ​ខ្សាច់​គួរ​ឲ្យ​ចាប់​ចិត្ត​ និង​ឆក​នៅ​លើ​តំបន់​ភាគ​ខាង​លិច​នៃ​កោះ​នោះ។ប្រមុខ​ឧទ្យាន​សាម៉េត Sumet Saithongsaid បាន​បញ្ជាក់​ពី​ថ្ងៃ​ចន្ទថា ឆ្នេរ​ខ្សាច់​នេះ ត្រូវ​បាន​បិទ​ជាបណ្តោះ​អាសន្ន​ ហើយ​ភ្ញៀវ​ទេសចរ ត្រូវ​បាន​ជម្លៀសចេញ។ ប្រ​មុខឧទ្យាន​រូបនេះ បាន​និ​យាយថា តំបន់​ជាច្រើន​ទៀតនៃ​កោះ ពុំ​បាន​បោះះ​ពាល់​ពី​ការ​ធ្លាយ​ប្រេង​នេះ​ទេ។

ប្រេង​ឆៅ​នេះ បាន​លេច​ចេញពី​បំពង់​បង្ហូរ​ប្រេង​ក្បែរ​ឆ្នេរសមុទ្រ​ នៅ​ឯរោង​ចក្រ​ចម្រាញ់​ប្រេង​មួយ​ ដោយ​ប្រ​តិបត្តិការ​ដោយ​ក្រុម​ហ៊ុន PTT Global Chemical Plc (PTTGC) នៅ​ក្នុង​តំបន់​ឧស្សាហកម្ម​ Map Ta Phut ក្នុង​ខេត្ត​រ៉ាក់​យ៉ង​ កាល​ពី​ព្រឹក​ព្រលឹម​ថ្ងៃសៅរ៍។ កង​ទ័ព​នៃ​ទាហាន​ជើង​ទឹក​ និង​ក្រុម​ការងារ​របស់​ក្រុម​ហ៊ុន កំពុង​តស៊ូ​យ៉ាង​លំបាក​ដើម្បី​ទប់​ស្កាត់​វា ថ្វី​បើ​មាន​របាយការណ៍មុន​នេះ​ថា​ជោគ​ជ័យ​ក្តី៕

ប្រភព៖ សារព័ត៌មាន ភ្នំពេញប៉ុស្តិ៍